តើកុំព្យូទ័រជាអ្វី?

ប្រភពពី : Lifewire 

បច្ចេកវិទ្យាបានផ្លាស់ប្តូរ​ រាល់ដំណើរការ និង ការយល់ឃើញរបស់យើងអំពីជីវិត។ វាលើសពីអ្វី ដែលយើងធ្លាប់ដឹង អាចមើលឃើញ និងស្តាប់បាន។ អ្នកអាចទទួលបានពត៍មាន ទាន់ហេតុការណ៍មួយរំពេចភ្នែក។  អ្វីៗគ្រប់យ៉ាង គឺនៅក្នុងដៃរបស់អ្នក។ 

ប៉ុន្តែ​តើយើង​ដឹងទេ ថារាល់ថ្ងៃនេះ យើងភ្ជាប់​យ៉ាងម៉េចខ្លះជាមួយ​បច្ចេកវិទ្យា​? 

ចម្លើយខ្លី ហើយសាមញ្ញបំផុតនោះគឺ “កុំព្យូទ័រ”។ កុំព្យូទ័រ គឺជាឧបករណ៍អេឡិចត្រូនិក ដែលអាចរក្សាទុក ទាញយក និង​ ដំណើរការទិន្នន័យ។ ជាមួយនឹងកុំព្យូទ័រ អ្នកអាចវាយឯកសារ រុករកគេហទំព័រ ផ្ញើអ៊ីមែល និង លេងហ្គេមយ៉ាងពេញចិត្ត។

កុំព្យូទ័រចែកចេញជាពីរផ្នែកធំៗគឺ ផ្នែករឹង (Hardware) និង ផ្នែកទន់ (Software)។ Hardware គឺជាផ្នែករឹងណាមួយនៃកុំព្យូទ័រ ដូចជាក្តារចុច និងកណ្តុរ។ Software គឺជាបណ្តុំនៃការណែនាំដោយការសរសេរកូដ ដែលប្រាប់កុំព្យូទ័រនូវអ្វីដែលត្រូវធ្វើ ឬ កម្មវិធី ដូចជា Google Meet ឬ Gmail ។ 

កុំព្យូទ័រមានច្រើនរូបរាង និងទំហំជាច្រើន។ ភាគច្រើន យើងស្គាល់កុំព្យូទ័រ តាមរយះ កុំព្យូទ័រផ្ទាល់ខ្លួន ដែលហៅថា Personal Computer (PC) និង កុំព្យូទ័រយួរដៃ (Laptop)។ ប្រភេទកុំព្យូទ័រផ្សេងទៀតនោះគឺ ស្មាតហ្វូន  ម៉ាសុីនហ្គេម និងឧបករណ៍ដែលអាចពាក់បាន ដូចជានាឡិកា។

ប្រភពពី : Trending News Buzz

ដូច្នេះ​ហើយ កុំព្យូទ័រ​មាន​ឥទ្ធិពល​ខ្លាំងណាស់ដល់ការរស់នៅប្រចាំថ្ងៃរបស់​យើង។ ដូចដែលលោក Bill Gates ធ្លាប់បាននិយាយថា “មានឱកាសការប្រើកុំព្យូទ័រ (អ៊ីនធឺណិត) គឺមានសារៈសំខាន់ដូចជាការធានាថា មនុស្សកាន់តែច្រើន នឹងមានសិទ្ធិទទួលបានវ៉ាក់សាំងប្រឆាំងនិងជំងឺឆ្លង” ។ សម្រាប់អ្នក និងខ្ញុំ ការចូលប្រើប្រាស់កុំព្យូទ័រមានសារៈសំខាន់ ដូចនឹងការទទួលបានការអប់រំល្អ និងកាន់តែប្រសើរឡើង។

ឥឡូវនេះ អ្នកកំពុងតែប្រើប្រាស់កុំព្យូទ័រដើម្បីសម្របខ្លួន និងការរៀនពីចម្ងាយតាមរយៈអ៊ីនធឺណិត ការរៀនបែបឌីជីថល។ តោះរៀនទាំងអស់គ្នា និងប្រើប្រាស់បច្ចេកវិទ្យាមួយនេះ ឲ្យអស់ពីសមត្ថភាព និង អត្ថប្រយោជន៍របស់វា។